Рок спектакл во Охрид
август/2017
Како што беше ветено сношти во Охрид, после Ohrid Calling фестивалот, забавата продолжи во голем стил со концертот на најголемите ѕвезди на екс ЈУ сцената, групата Бијело Дугме.
И додека публиката со воодушевување го следеше спектаклот на бина, уживајќи во комплетното аудио – визуелно доживување, се редеа хитовите “Липе цвату”, “Ружица си била”, “Кад остариш”, “Заборави ако можеш”…
Расположените Бијело Дугме повеќе од два и пол часа ги забавуваа посетителите на овој концерт, а ги имаше во голем број, повеќе од 7.000 и сите во еден глас цела вечер го пратеа бендот.
Со овој спектакуларен настап беше заокружена неделата на добра музика и забава во убавиот син Охрид.
Комплетната техничка продукција ја обезбеди Skymusic.